සිරස්තල
prdeep

ශ්‍රීලංකන් HR මැනේජර් නිසා ගුවන් සේවිකාවෝ ගබ්සා කරන් !

18 Apr, 2019, No comments

ගැබ් ගැනීම නිසා ශ්‍රී ලන්කන් ගුවන් සමාගමේ මානව සම්පත් අංශය තමාට කළ බලපෑම් හමුවේ ස්ථිර කාර්ය මණ්ඩලයෙන් වර්ෂ 2012 දී ඉල්ලා අස්වීමට සිදු වූ බව එම සමාගමේ හිටපු ජ්‍යෙෂ්ඨ ගුවන් සේවිකාවක වන යසන්තා නයෝමි ද අල්විස් මහත්මිය ඊයේ (17) ශ්‍රී ලන්කන් මිහින් ලංකා ජනාධිපති කොමිසම හමුවේ සාක්‍ෂි දෙමින් පවසා තිබේ.

මේ සම්බන්ධයෙන් තමා කළ ඉල්ලීම්වලට කන් නොදී එවකට සමාගමේ මානව සම්පත් ප්‍රධානියා ලෙස කටයුතු කළ ප්‍රදීප් කැකුලාවල මහතා තමාගේ කාලය නාස්ති නොකර වහාම ඉල්ලා අස් වී පිටව යන ලෙස දැනුම් දුන් බවත් ඒ අවස්ථාවේ තමා ඉතා අසරණ තත්ත්වයට පත් වූ බවත් පවසා තිබේ.

තමාගේ ඉල්ලා අස්වීම නොදුනහොත් සේවය නතර කිරීමේ ලිපියක් ලබාදීමට සිදුවන බව තමාට ප්‍රකාශ කළ බව ද කොමිසම හමුවේ අසන ලද ප්‍රශ්නවලට පිළිතුරු දෙමින් සාක්‍ෂිකාරිය සඳහන් කර ඇත.

මානව සම්පත් අංශයේ මේ බලකිරීම නිසා වෙනත් ගුවන් සේවිකාවන් රැකියාව ආරක්‍ෂා කර ගැනීමට ලැබීමට සිටි දරුවන් ගබ්සා කළ අවස්ථා තිබෙන බවත් ඒ අයගේ නම් හෙළි කිරීමට තමා අදහස් නොකරන බවත් සාක්‍ෂිකාරිය මෙහිදී හෙළිකර තිබේ.

තමා ඒ වනවිට කොන්ත්‍රාත් පදනම මත ශ්‍රී ලන්කන් ගුවන් සමාගමේ වසර තුනක සේවා කාලය සම්පූර්ණ කර සේවය ස්ථිර කර සිටි ගුවන් සේවිකාවක් බව ද ඒ නිසා තමාට ඉල්ලා අස්වීමට කිසිදු කැමැත්තක් නොතිබුණු බව ද අල්විස් මහත්මිය කොමිසමට ඉදිරියේ සාක්ෂි දෙමින් පවසා ඇත.

තමා ගැබ්ගෙන ඇති බව වෛද්‍ය ආනන්ද රණතුංග මහතාගෙන් දැනගත් පසු තමා වහාම ඒ බව ශ්‍රී ලන්කන් ගුවන් සමාගමට දැනුම් දුන් බවත් ගැබ් ගැනීමෙන් පසු ගුවන්ගත වීම දරුවාට අහිතකර බවත් ඇය කොමිසමට පවසා තිබේ.

එසේ තමාට ඉල්ලා අස්වන ලෙස දැනුම් දුන් පසු තමා වැටුප් රහිත වසර දෙකක නිවාඩු ලබාදෙන ලෙස ඉල්ලීමක් කළත් එයට ද ශ්‍රී ලන්කන් ගුවන් සමාගමේ මානව සම්පත් අංශය කිසිදු සැලකිල්ලක් නොදැක්වූ බවත් ඇය පවසා ඇත.

තමා අත්සන් කර ඇති සාමූහික ගිවිසුම අනුව වසර තුනක සේවා කාලය (කොන්ත්‍රාත් පදනම මත) සම්පූර්ණ කළ පසු ගැබ් ගත් අවස්ථාවකදී එසේ ඉල්ලා අස්විය යුතු බවක් සඳහන් නොවන බව ද ඇය සඳහන් කර ඇත.

තමාගෙන් පසු තවත් ගුවන් සේවිකාවක් වසර තුනක කොන්ත්‍රාත් කාලය ගතවීමෙන් පසු ගැබ්ගෙන ඇති බවත් ඇයට ද ඉල්ලා අස්වන ලෙස සමාගමේ මානව සම්පත් අංශය බල කර සිටිය ද ඇය ඉල්ලා අස් වූයේ නැති බව ද සාක්‍ෂිකාරිය කොමිසමට පෙන්වා දී තිබේ.

එම ගුවන් සේවිකාව ඉල්ලා අස් වූයේ නැති වුව ද ඇයගේ සේවය අවසන් කිරීමට සමාගමේ මානව සම්පත් අංශය කටයුතු නොකළ බව ද ඇය සඳහන් කර ඇත.

ශ්‍රී ලන්කන් ගුවන් සමාගමේ සේවකයන් සාප්පු හා කාර්යාල පනතට යටත් බව ද ප්‍රදීප් කැකුලාවල මහතා නීතිය හරිහැටි දැන සිටියා නම් තමාට ඒ තත්ත්වයට මුහුණදීමට සිදු නොවන බව ද සාක්‍ෂිකාරිය තවදුරටත් කොමිසමට කියා තිබේ.

තමා 2012 අප්‍රේල් 16 දින තම කැමැත්තෙන් තොරව සමාගමේ මානව සම්පත් අංශයේ බලකිරීම මත තමාගේ ඉල්ලා අස්වීමේ ලිපිය ශ්‍රී ලන්කන් ගුවන් සමාගමට ෆැක්ස් කර යැවූ බව ද ඇය පවසා ඇත.

පසුව නැවත තමා ශ්‍රී ලන්කන් ගුවන් සමාගමට බැඳුණු බවත් දැන් තමා ජ්‍යෙෂ්ඨ ගුවන් සේවිකාවක් ලෙස එම සමාගමේ කටයුතු කරන බවත් ඇය තවදුරටත් කොමිසමට කියා තිබේ.

හිටපු ශ්‍රේෂ්ඨාධිකරණ විනිසුරු අනිල් ගුණරත්න මහතාගේ සභාපතීත්වයෙන් යුතුව කොමිසම ඊයේ (17) උදේ 10.00 ට පමණ රැස් විය.

මූලාශ්‍ර – srilankamirror.com

ප‍්‍රතිචාර

ප‍්‍රධාන පුවත්

Facebook



වීඩියෝ

වෙනත් පුවත්

විදෙස් පුවත්

  • wow air

    වාවූ ගුවන්...

    04 Apr, 2019, No comments

    මූල්‍ය අර්බුදයකට ලක්ව ඇති අයිස්ලන්තයේ වාවූ එයාර් ගුවන් සමාමේ...

  • chairman-jetairways

    අර්බුදයට ලක්වූ...

    31 Mar, 2019, No comments

    මූල්‍ය අර්බුදයකට ලක්ව ඇති ඉන්දියානු ජෙට් එයාර්වේස් ගුවන් සමාගමේ...

  • man-missed-ethiopian-airlines-flight

    ඉතියෝපියානු ගුවන්...

    13 Mar, 2019, No comments

    ඉතියෝපියානු ගුවන් සේවයට අයත් යානයක් අනතුරට පත්වීමෙන් සිදුවූ අනතුරේදී...

  • Boeing-737-MAX-8

    බෝයිං 737...

    13 Mar, 2019, No comments

    බෝයිං 737 මැක්ස් වර්ගයේ යානා භාවිතය නතර නොකරන...

විශේෂාංග

  • female-aircraft-engineer-srilankan-airlines-lanka-aviation-news

    ශ්‍රී ලංකාවේ...

    08 Apr, 2019, No comments

    තනියම ගුවන් යානයක් ගෙන ගිය ශ්‍රී ලංකන් ගුවන්...

  • Capture-696x390

    ඇමරිකාවේ ගුවන්යානා...

    01 Apr, 2019, No comments

    දුර්ලභ බෝයිං 747 වර්ගයේ අධි සුඛෝගබෝගී ගුවන් යානයක්...

  • image_6033f02f35

    මරණය දැක...

    16 Mar, 2019, No comments

    පසුගියදා අනතුරට ලක්වුණු ඉතියෝපියානු ගුවන් යානයේ වීඩියෝ රූප...